Bhardo Joli Meri Ya Muhammed Naay Lyrics- Owais Qadri


Tumhaare aastane se zamaana kya nahi paata
Koi bhi dar se khaali maangne waala nahi jaata




Bhar do jholi meri Ya Muhammad
Lautkar mai na jaaunga khaali




Tum zamaane ke mukhtaar ho Ya Nabi
Bekaso ke madadgaar ho Ya Nabi




Sab ki sunte ho apne ho ya ghair ho
Tum ghareebo ke gham khwaar ho Ya Nabi




Hum hai Ranj o Musibat ke maare huwe
Saqt mushkil me hai gum se haare huwe




Ya Nabi kuch Khudaara hame bheek do
Dar pe aaye hai jholi pasare huwe




Hai mukhaalif zamaana kidhar jaaye hum
Haalat e Bekasi kisko dikhlaaye hum




Hum tumhare bhikaari hai Ya Mustafa
Kiske aage bhalaa haath failaye hum




Bhar do jholi meri Ya Muhammad
Lautkar mai na jaaunga khaali




Kuch nawaso ka sadqa ataa ho
Dar pe aaya hu bankar sawaali




Haq se paayi woh Shaan e Kareemi
Marhaba dono aalam ke waali




Uski qismat ka chamka sitaara
Jis pe Nazr e Karam tum ne daali




Zindagi baksh di bandagi ko
Aabroo Deen e Haq ki bachaali




Woh Muhammad ka pyaara nawasa
Jisne sajde me gardan kataali




Jo Ibne Murtaza ne kiya kaam khoob hai
Qurbaani e Hussain ka anjaam khoob hai




Khurbaan ho ke Fatima Zehra ke chain ne
Deen e Khuda ki shaan badhaayi Hussain ne




Bakhshi hai jisne Mazhab e Islam ko hayaat
Kitni azeem Hazrat e Shabbir ki hai zaat




Maidan e Karbala me Shah e Khush khisaal ne
Sajde mei sar kata ke Mohammad ke laal ne




Zindagi bakhsh di bandagi ko
Aabroo Deen e Haq ki bachali




Woh Muhammad ka pyaara nawaasa
Jisne sajde me gardan kataali




Hashr me unko dekhenge jis dam
Ummati yeh kahenge khushi se




Aa rahe hai woh dekho Mohammad
Jinke kaandhe pe kamli hai kaali




Mehshar ke roz Pesh e Khuda honge jis ghadi
Hogi gunahgaaro me kis darjaa bekali




Aate huwe Nabi ko jo dekhenge ummati
Ek dusre se sab yeh kahenge khushi khushi




Aa rahe hai woh dekho Mohammad
Jinke kaandhe pe kamli hai kaali




Sar e Mehshar gunahgaro se purshish jis ghadi hogi
Yaqinan har bashar ko apni bakshish ki padi hogi




Sabhi ko aas us din kamli waale se lagi hogi
Ke aise me Mohammad ki sawaari aa rahi hogi




Pukarega zamaana us ghadi dukh dard ke maaron
Na ghabraao gunahgaro na ghabraao gunahgaro




Aa rahe hai woh dekho Mohammad
Jinke kaandhe pe kamli hai kaali




Aashiq e Mustafa ki azaan me Allah Allah kitna asar tha
Sachaa yeh waaqiya hai Azaan e Bilaal ka




Ek din Rasool e Paak se logo ne yuh kaha
Ya Mustafa Azaan ghalat dete hai Bilaal




Kahiye huzoor aapka is me hai kya khayaal
Farmaaya Mustafa ne yeh sach hai toh dekhiye




Waqt e Sahar ki aaj azaan aur koi de
Hazrat Bilaal ne joh Azaan e Sahar na di




Khudrat Khuda ki dekho na mutlaq sahar huwi
Aaye Nabi ke paas kuch As’haab e Baasabaa




Kiya arz Mustafa se aye Shah e Ambiya
Hai kya sabab sahar na huwi aaj Mustafa




Jibreel laaye aise me Paighaam e Kibriya
Pehle toh Mustafa ko adab se kiya salaam




Baad as salaam unko Khuda ka diya payaam
Yuh Jibraeel ne kaha Khair ul Anaam se




Allah ko hai pyaar tumhaare ghulaam se
Farma raha hai aap se yeh Rab e Zuljalaal




Hogi na subha denge na jab tak azaan Bilaal
Aashiq e Mustafa ki azaan me Allah Allah kitna asar tha




Arsh waale bhi sunte the jisko
Kya azaan thi Azaan e Bilaali




Kaash purnam dayaare nabi me
Jeete ji ho bulawa kisi din




Haal e Gum Mustafa ko sunau
Thaam kar unke rauze ki jaali

Leave a Comment